دال چنا، کالے چنے اور بیسن کی قیمت میں اضافہ
خانیوال(ڈسٹرکٹ رپورٹر،نامہ نگار )اشیاء خورونوش کی قیمتوں میں اضافے کا نوٹیفکیشن جاری کر دیا گیا۔نوٹیفکیشن میں سرکاری لسٹ میں دال چنا، کالے چنے اور بیسن کی قیمت میں اضافہ کیا گیا ہے ۔
سرکاری لسٹ کے مطابق دال چنا باریک کی قیمت 280 روپے سے بڑھا کر 330 روپے فی کلو مقرر کر دی گئی، دال چنا سپیشل کی قیمت 305 روپے سے بڑھ کر 360 روپے کلو ہو گئی۔کالا چنا کی قیمت میں 40 روپے فی کلو اضافہ کیا گیا ہے جس کے بعد کالا چنا کی قیمت 305 روپے سے بڑھا کر 345 روپے فی کلو مقرر کی گئی ہے ، بیسن کی قیمتوں میں بھی 40 روپے کا اضافہ کیا گیا ہے جس کے بعد بیسن 300 روپے سے بڑھ 340 روپے فی کلو ہو گیا۔
روزنامہ دنیا ایپ انسٹال کریں
