2لڑکیوں سمیت 3افراد کو اغوا کرلیا گیا ، مقدمات درج
ملتان(کرائم رپورٹر )پولیس نے اغوا کے مختلف واقعات کے الزام میں متعدد ملزموں کیخلاف مقدمات درج کرلئے ۔
مظفرآباد پولیس کو نازک حسین نے بتایا کہ میرا بیٹا 14سالہ محمد ناصر گھر کے باہر کھیل رہاتھا جو واپس گھر نہ پہنچا جسے بہت تلاش کیا مگر کچھ معلوم نہ ہوسکا مجھے قوی شبہ ہے کہ بیٹے کو نامعلوم ملزم اغوا کرکے لے گئے دریں اثنا حرم گیٹ پولیس کو غلام نبی نے بتایا کہ میری بیٹی گھر سے قریبی دکان سے سودا سلف لینے گئی جسے نامعلوم ملزم اغوا کرکے لے گئے جبکہ سٹی شجاع آباد پولیس کو شوکت نے بتایا کہ ملزم عامر دونامعلوم ساتھیوں کے ہمراہ میری بیٹی کو اغوا کرکے لے گیا۔
روزنامہ دنیا ایپ انسٹال کریں
