ٹریفک پولیس افسر ہماری فورس کا لازمی جزو ،سہیل چودھری
ملتان (کرائم رپورٹر)ریجنل پولیس آفیسر کیپٹن (ر) محمد سہیل چودھری نے ٹریفک پولیس افسروں سے میٹنگ کی ۔ میٹنگ میں ڈسٹرکٹ ملتان کے ٹریفک افسروں نے شرکت کی ۔
میٹنگ سے خطاب کرتے ہوئے آ ر پی او کا کہنا تھا کہ ٹریفک پولیس افسر ہماری فورس کا لازمی جزو ہیں۔ روڈ پر کھڑا ٹریفک آ فیسر ، پولیس کا چہرہ ہوتا ہے ۔ وہ اپنے طرزِ عمل سے پولیس کے مورال کو بلند کرتا ہے ۔ انہوں نے مزید کہا کہ ٹریفک فلو کی روانی کے ساتھ ایک ٹریفک پولیس آ فیسر عوام کو خدمات کی فراہمی میں بھی بھر پور کردار ادا کر رہا ہے ۔ ملتان ریجن میں قائم کئے گئے خدمت مراکز میں یہ لوگوں کلیدی کردار ادا کر رہے ہیں ۔ جو قابل ستائش ہے آ ر پی او نے ان کی خدمات کو سراہتے ہوئے تعریفی سرٹیفکیٹ اور نقد انعام سے بھی نوازا ہے ۔
روزنامہ دنیا ایپ انسٹال کریں
