ایل ایل بی پروگرام، ایچ ای سی کا داخلہ ٹیسٹ کا اعلان
ملتان(خصوصی رپورٹر)5سالہ انڈرگریجویٹ ایل ایل بی ڈگری پروگرام میں داخلہ کیلئے ایچ ای سی کاداخلہ ٹیسٹ کی تاریخ کا اعلان کردیاگیا ۔
بتایاگیا ہے کہ لائگیٹ سرکاری اور پرائیویٹ دونوں قسم کے اداروں میں داخلہ کیلئے ٹیسٹ لازمی ہے ،ایچ ای سی پاکستان نے طلباکی سہولت کیلئے ٹیسٹ پیٹرن اور سلیبس جاری کر دیا۔امتحان کی تاریخ لاء ایڈمیشن ٹیسٹ 12جنوری 2025 کو منعقد ہوگا،ناگزیر حالات کی وجہ سے ٹیسٹ کی تاریخ میں کسی بھی قسم کی تبدیلی بارے مطلع کیا جائے گا۔درخواست دہندگان ایچ ای سی آن لائن رجسٹریشن کے عمل کے ذریعے رجسٹر ہوں گے ،رول نمبر سلپ ٹیسٹ کی تاریخ سے ایک ہفتہ قبل جاری ہوگی،آن لائن رجسٹریشن کی آخری تاریخ 30 دسمبر 2024 ہے ۔
روزنامہ دنیا ایپ انسٹال کریں
