ریلوے پھاٹک چک آر ایس شجاع آباد پر فلائی اوور کی تعمیر مکمل
سکندرآباد (نامہ نگار )وزیراعلیٰ پنجاب مریم نواز کے سڑکیں بحال پنجاب خوشحال ویژن کے تحت ریلوے پھاٹک چک آر ایس شجاع آباد پر فلائی اوور ۔۔۔
کی تعمیر مکمل کرکے ٹریفک کیلئے کھول دیا گیا ۔اس سلسلے میں کمشنر عامر کریم خاں نے چک آر ایس فلائی اوور کا دورہ کیا۔انہوں نے کہا کہ ریلوے پھاٹک کی وجہ سے ٹریفک جام رہنا معمول تھا،عوامی شکایات کے ازالے کیلئے 1 کلومیٹر طویل فلائی اوور تعمیر کیا گیا۔انہوں نے محکمہ ہائی ویز کو کہا کہ روڈ فرنیچر مکمل کرکے جدید شہری انداز دیا جائے ۔1.5 ارب روپے کی لاگت سے ایک سال میں فلائی اوور مکمل کیا گیا۔
روزنامہ دنیا ایپ انسٹال کریں
