دکان پر ڈکیتی، کم عمر بچے سے دس ہزار روپے لوٹ لیے
تھانہ سٹی کی حدود میں تین ملزمان واردات کے بعد فرار، پولیس تفتیش جاری
وہاڑی (نمائندہ خصوصی ) وہاڑی میں ڈکیتی کی واردات کے دوران تین نامعلوم مسلح ملزمان دکان پر بیٹھے کم عمر بچے سے دس ہزار روپے نقدی لوٹ کر فرار ہوگئے ۔ واقعہ تھانہ سٹی کی حدود میں پیش آیا، جس کے بعد شہریوں میں خوف و تشویش پائی جاتی ہے ۔ ابتدائی اطلاعات کے مطابق ملزمان اسلحے کے زور پر نقدی چھین کر موقع سے فرار ہوئے ۔ پولیس کے مطابق واقعے کی تفتیش جاری ہے اور ملزمان کی شناخت کے لیے کارروائی کی جارہی ہے ۔ شہریوں نے متعلقہ حکام سے مطالبہ کیا ہے کہ وارداتوں کی روک تھام اور عوام کے تحفظ کے لیے مؤثر اقدامات کیے جائیں۔
روزنامہ دنیا ایپ انسٹال کریں
Comments / رائے دیں
Share your thoughts. Comments are reviewed before they appear publicly.
Approved Comments