اسسٹنٹ کمشنر زوہیب شفیع نے عہدے کا چارج سنبھال لیا
شاہ پور (نمائندہ دنیا) اسسٹنٹ کمشنر زوہیب شفیع نے شاہ پور میں اپنے عہدے کا چارج سنبھال لیا ۔
ان کی آمد پر اسسسٹنٹ ڈائریکٹر لینڈ ریکارڈ غلام اللہ بڑانہ ، نائب تحصیلدار ظفراقبال بلکا، نائب تحصیلدار مہر عبدالجلیل ، صدر انجمن پٹواریاں مہر منیر احمد، جنرل سیکرٹری اسلم بھٹی ، انچارج لینڈ ریکارڈ محمد شفیق نے ان کا استقبال کیا ۔ چارج سنبھالنے کے فوراً بعد انہوں نے محکمہ مال ، میونسپل کمیٹی کے عملہ ، پرائس کنٹرول مجسٹریٹس کے ساتھ الگ الگ میٹنگز کیں انہوں نے ہدایت کی کہ اپنے کاموں کے سلسلہ میں آنے والے شہریوں کے ساتھ مکمل تعاون کیا جائے ۔