جوہرآباد :پو لیس مقابلہ ‘ ڈاکو ساتھیوں کی فائرنگ سے زخمی
جوہرآباد(نمائندہ دُنیا)مظفر گڑھ روڈ پرہموکہ موڑ میں پولیس مقابلہ، پولیس اور ڈاکوؤں کے مابین فائرنگ کے تبادلہ میں ایک ڈاکو اپنے ہی ساتھیوں کی فائرنگ سے زخمی ہو گیا ، 4ڈاکو اپنے ساتھی کو خون میں لت پت چھوڑ کر بھاگ گئے۔۔
پولیس نے زخمی ڈاکو کو گرفتار کر کے ہسپتال داخل کرا دیا ، جس کی شناخت محمد سلیم عرف کلیم ماچھی ولد حق نواز کے نام سے ہوئی وہ جاہلر کا رہائشی بتایا جاتا ہے ، پانچ ڈاکو واردا ت کے بعد فرار ہو رہے تھے 15پر ڈکیتی کی کال چلتے ہی ایس ایچ او تھانہ سٹی جوہرآ باد رانا مجاہد خورشید نے پولیس فورس کے ہمراہ تعاقب کر کے ڈاکووں کو ہموکہ موڑ کے قریب جا لیا ، پولیس کو دیکھتے ہی ڈاکوؤں نے پولیس پر فائرنگ شروع کر دی ، پولیس نے جوابی فائرنگ کی اور فائرنگ کے تبادلہ کے دوران کلیم ماچھی اپنے ہی ساتھیوں کی فائرنگ سے زخمی ہو گیا جسے حراست میں لے لیا گیا جبکہ چار ڈاکو فرار ہو گئے ۔
