بابر شہزاد رانجھا کے ستھرا پنجاب مہم کا جائزہ لینے کیلئے دورے
سرگودھا(سٹاف رپورٹر)ڈپٹی ڈائریکٹر لوکل گورنمنٹ بابر شہزاد رانجھا نے ستھرا پنجاب مہم کا جائزہ لینے کیلئے چک نمبر 88 جنوبی ، چک نمبر 100 جنوبی اور چک نمبر 39 جنوبی کانڈوال روڈ کا دورہ کیا۔
انہوں نے علاقہ مکینوں سے ملاقات کرکے متعلقہ اداروں کی جانب سے ستھرا پنجاب مہم کے تحت انجام دی جانے والی سرگرمیوں بارے آگاہی لی، انہوں نے دیہاتوں میں صفائی امور کی مانیٹرنگ کے لیے علاقہ معززین پر قائم کمیٹیوں کے ممبران سے بھی ملاقات کی اور کہا کہ صفائی ستھرائی پر خصوصی طور پر توجہ نیز موصول شدہ شکایات کو فوری حل کیا جائے ۔ کوڑے کے ڈھیروں کو مکمل طور پر ختم کیا جائے ،تجاوازت کا خاتمہ اور قبرستانوں سے جڑی بوٹیوں وغیرہ کی تلفی یقینی بنائی جائے ان کا مزید کہنا تھا کہ شہروں کے ساتھ اب دیہی علاقوں پر بھی توجہ دی جارہی ہے ۔ سرگودہا کے مختلف دیہاتوں کو ماڈل ویلج کا درجہ دیاگیاہے ۔
