پرائس کنٹرول مجسٹریٹ کا چھاپہ،2 گرانفروش موقع پر گرفتار
فیصل آباد(خصوصی رپورٹر)ایڈمن آفیسر ڈی سی آفس/پرائس کنٹرول مجسٹریٹ ریاض حسین انجم نے پرائس کنٹرول ایکٹ کی سنگین خلاف ورزی پر 2 افراد کو موقع پر گرفتار کرادیا۔
انہوں نے مختلف اشیائے ضروریہ کی قیمتوں کو چیک کرنے کے لئے شیخوپورہ روڈ سمیت شہر کے دیگر علاقوں کا دورہ کیا اور پھل و سبزی، چکن، روٹی،کریانہ کی اشیاء کی قیمتوں کی چیکنگ کے لئے انسپکشنز کیں اور گرانفروشی پر دکانداروں کو45ہزار روپے جرمانہ کیا۔انہوں نے دکانوں پرنرخناموں کی موجودگی بھی چیک کی اور واضح کیا کہ بنیادی اشیائے ضروریہ کی اوورچارجنگ کرنے والوں کے خلاف قانون متحرک ہے لہذا خلاف ورزی سے باز رہا جائے ۔
روزنامہ دنیا ایپ انسٹال کریں
