تربیت مکمل کرنیوالے787کانسٹیبلوں کی پاسنگ آؤٹ پریڈ
سرگودھا(سٹاف رپورٹر) پولیس ٹریننگ سکول میں 94 ویں ریکروٹ کلاس کورس کے تحت تربیت مکمل کرنے والے 787 کانسٹیبلوں کی پاسنگ آؤٹ پریڈ منعقد کی گئی۔۔۔
جس کے مہمان خصوصی آر پی او سرگودھا محمد شہزاد آصف خان تھے جبکہ ڈی پی او محمد صہیب اشرف سمیت دیگر پولیس افسران اور پاس آؤٹ ہونے والے جوانوں کے عزیز و اقارب نے بھی کثیر تعداد میں شرکت کی۔ پرنسپل پولیس ٹریننگ سکول ایس پی انعم فریال نے مہمان خصوصی کا استقبال کیا پولیس کے چاق و چوبند دستوں نے خوبصورت انداز میں سلامی دی جبکہ کمانڈو دستوں نے جسمانی کرتب کا شاندار مظاہرہ کر کے حاضرین سے خوب داد سمیٹی اس موقع پر پرنسپل پی ٹی ایس انعم فریال نے خطاب کرتے ہوئے بتایا کہ سات ماہ کے دوران جوانوں کو تھانہ کے امور، ٹریفک انتظامات ،مجمع خلاف قانون سے نبٹنے جدید ٹیکنالوجی کے استعمال کے ساتھ اعلی اخلاقی اقدار کو برقرار رکھنے اور محکمانہ نظم و ضبط سے خصوصی آگاہی فراہم کی گئی۔ ڈی پی او محمد صہیب اشرف نے اپنے خطاب میں کہا کہ تربیت کا سخت مرحلہ کامیابی سے مکمل کرنے والے مبارکباد کے مستحق ہیں امید ہے کہ آپ کے آنے سے پولیسنگ میں مزید بہتری آئے گی مہمان خصوصی آر پی او محمد شہزاد آصف خان نے اپنے خطاب میں کہا کہ ایک اچھا انسان ہی اچھا پولیس افسر بن سکتا ہے دوران ڈیوٹی اپ نے محکمانہ وقار کو برقرار رکھنا ہے ۔
