اندھے قتل کا سراغ لگا لیا گیا،بیوی قاتلہ نکلی ،آشنا بھی گرفتار
سرگودھا(سٹاف رپورٹر)پولیس نے اندھے قتل کر سراغ لگا کر ملز موں کو گرفتار کر لیا ،بیوی ہی قاتلہ نکلی۔۔
،چند روز قبل تھانہ ساجد شہید پولیس کو اطلاع ملی کہ جوہر کالونی کے قریب نامعلوم ملزمان نے فائرنگ کرکے ایک شخص جس کی بعد میں شناخت علی محمد کے نام سے ہوئی کو قتل کر دیا اور ملزمان موقع سے فرار ہوگئے ہیں۔ ڈسٹرکٹ پولیس آفیسر محمد صہیب اشرف نے تھانہ ساجد شہید پولیس کو فوری مقدمہ درج کرکے ملزمان کو گرفتارکرنے کا حکم دیا چونکہ مقدمہ میں ملزمان نامعلوم تھا جن کی گرفتاری پولیس کیلئے ایک چیلنج تھی۔ پولیس ٹیم نے جدید وروائتی طریقہ تفتیش کو اپناتے ہوئے اندھے قتل کو ٹریس کرکے ملزمان نور محمد اور مقتول کی بیوی حشمت بی بی کو شامل تفتیش کیا تو ملزمان نے اعتراف جرم کرلیا۔مقتول کی بیوی اپنے آشنا نور محمد کے ساتھ شادی کرنا چاہتی تھی جس وجہ سے اس نے اپنے خاوند کا قتل کروایا۔
