فیصل مسعود ٹیچنگ ہسپتال مفت ٹیسٹ ،ادویات فراہم،ایم ایس
سرگودھا(سٹاف رپورٹر) ڈسٹرکٹ ہیڈ کوارٹر فیصل مسعود ٹیچنگ ہسپتال میں مریضوں کو معیاری طبی سہولیات کی۔۔
فراہمی کے لیے متعدد انقلابی اقدامات کیے جا رہے ہیں، جب کہ برن یونٹ کے قیام کو ترجیح دی جا رہی ہے ۔ ان خیالات کا اظہار ہسپتال کے میڈیکل سپرنٹنڈنٹ ڈاکٹر سہیل طارق نے سرگودھا پریس کلب میں منعقدہ \\\"میٹ دی پریس\\\" پروگرام سے خطاب کرتے ہوئے کیا۔ ڈاکٹر سہیل طارق نے بتایا کہ ہسپتال میں ایمرجنسی بلاکس، ڈریسنگ رومز، اور آپریشن تھیٹرز سمیت کئی اہم شعبوں میں نمایاں بہتری لائی گئی ہے ۔ ایمرجنسی کے گندے اور ناکارہ واش رومز کی ازسرنو تعمیر، آپریشن تھیٹرز میں جدید مشینری کی تنصیب، ہسپتال کے احاطے میں دو نئے آر او واٹر پلانٹس کی تنصیب اور 100 سے زائد آرام دہ بینچز کی فراہمی جیسے اقدامات مکمل کیے جا چکے ہیں۔انہوں نے بتایا کہ بچوں کے وارڈ اور نرسری کو جدید \\\"رحمت اللعالمین بلاک\\\" میں منتقل کیا جا رہا ہے ، ہسپتال میں آنے والے ہر مریض کو ادویات اور تمام میڈیکل ٹیسٹ بالکل مفت فراہم کیے جا رہے ہیں، صحافیوں کی سہولت کے لیے ہسپتال میں ایک علیحدہ کاؤنٹر قائم کر دیا گیا ہے ، بزرگ شہریوں کے لیے بھی علیحدہ سہولت دی جا رہی ہے تاکہ انہیں کسی پریشانی کا سامنا نہ ہو۔انہوں نے کہا کہ برن یونٹ کا قیام ان کی ترجیح ہے ، اور وہ اس مقصد کے لیے ضلعی و صوبائی سطح پر ہر ممکن اقدام اٹھا رہے ہیں۔
