کھلے ،بند گوداموں میں سرکاری گندم نمی سے متاثر ہونیکا خدشہ
سرگودھا(سٹاف رپورٹر)سرگودھا سمیت ریجن بھر میں محکمہ خوراک کے کھلے اور بند گوداموں میں پڑی گندم حالیہ بارشوں اور فضا ء میں غیر معمولی نمی کے باعث متاثرہونے کا خدشہ پیدا ہو گیا۔
اس وقت لاکھوں ٹن گندم جو کہ گزشتہ سال خریدی گئی تھی کھلے اوربندگوداموں کی نسبت کھلے گوداموں میں ذخیرہ ہے ،حالیہ بارشوں اور مون سون کی وجہ سے اس گندم کے خراب ہونے کا اندیشہ ہے ،جبکہ محکمہ موسمیات کی پیش گوئی کے پیش نظر ڈی جی محکمہ خوراک پنجاب نے ڈویژن و ضلعی افسران کو ہنگامی اقدامات کی ہدایت جاری کی ہے تاکہ بارشیں زیادہ ہونے سے کروڑوں روپے مالیت کی گندم کے نا قابل استعمال ہونے کے امکانات کم سے کم کئے جا سکیں۔
روزنامہ دنیا ایپ انسٹال کریں
