چوری و ڈکیتی کی متعددوارداتیں ،شہریوں کالاکھوں کانقصان
لاہور(کرائم رپوٹر)صوبائی دارالحکومت میں چوری و ڈکیتی کی وارداتوں کے دوران شہری لاکھوں روپے ،موبائل فونز ، گاڑیوں ، موٹرسائیکلوں سے محروم کردئیے گئے ۔
شمالی چھا ؤنی میں عمار سے 3لاکھ 70ہزار روپے اور موبائل فون،نوانکوٹ میں ممتاز سے 3لاکھ 65ہزار روپے اور موبائل فون،نواب ٹاؤن میں علی رضا سے 3 لاکھ 40ہزار روپے اور موبائل فون ، بھاٹی گیٹ میں اکرم سے 3لاکھ 25ہزار روپے اور موبائل فون،ہنجروال میں احسان سے 3لاکھ 15 ہزار روپے ، موبائل فون اور دیگر قیمتی سامان چھین لیا گیا۔ ماڈل ٹاؤن اور شاہدرہ سے گاڑیاں جبکہ ملت پارک ،لوہاری اور نیو انارکلی سے موٹرسائیکلیں چوری ہو گئیں۔
روزنامہ دنیا ایپ انسٹال کریں
