بہروز سبزواری کی پہلی بیوی کی موجودگی میں دوسری شادی کرنے والوں پر تنقید
کراچی: (ویب ڈیسک) سینئر اداکار بہروز سبزواری نے ایک سے زائد شادیاں کرنے والے مردوں کو تنقید کا نشانہ بنایا ہے۔
حال ہی میں ایک شو کے دوران بہروز سبزواری نے ایک سے زائد شادیوں کے رجحان پر کھل کر بات کی ہے، جس میں انہوں نے مردوں کی دوسری شادی کے موضوع پر رائے دی۔
شو کے دوران گفتگو کرتے ہوئے اداکار نے کہا کہ اگر آپ کی پہلی بیوی موجود ہے، زندہ ہے، خواہ اچھی ہو یا بری، وہ اللہ کی بہت بڑی نعمت ہے، اس کی موجودگی میں دوسری شادی کرنا آپ کی زندگی کی ایک بڑی آزمائش ہوگی۔
ان کا کہنا تھا کہ خیر میں سب نہیں کہنا چاہتا اگر آپ کی بیوی اچھی ہے تو دوبارہ شادی کی ضرورت ہی کیا ہے؟
بہروز سبزواری نے مثال دیتے ہوئے کہا کہ اقرار الحسن نے 3 شادیاں کی ہیں، اب اگر وہ ایک اور کر لیں تو ہم کیا کریں گے؟ وہ حال ہی میں ایک فلائٹ میں میرے ساتھ تھے، اس لئے فوراً ذہن میں آ گئے۔
