پاکستان اور زمبابوے کے درمیان دوسرا ون ڈے آج کھیلاجائے گا
بلاوائیو: (دنیا نیوز) پاکستان اور زمبابوے کے درمیان دوسرا ون ڈے میچ آج بلاوائیو میں کھیلاجائے گا۔
زمبابوے کو پاکستان کے خلاف پہلی بار ون ڈے سیریز میں کامیابی حاصل کرنے کیلئے آج کا میچ جیتنا ہو گا، اسے سیریز میں ایک صفر کی برتری حاصل ہے۔
بارش سے متاثرہ پہلے ون ڈے انٹر نیشنل میں زمبابوے نے پاکستان کو ڈک ورتھ لوئس سسٹم کے تحت 80 رنز سے شکست دی تھی۔
قومی سکواڈ
دوسری جانب دوسرے ایک روزہ میچ کیلئے قومی ٹیم کا اعلان کر دیا گیا، حسیب اللہ کی جگہ طیب طاہر اور محمد حسنین کی جگہ ابرار احمد کو ٹیم میں شامل کیا گیا ہے، ابرار احمد اور طیب طاہر پاکستان کی جانب سے ون ڈے انٹرنیشنل میں ڈیبیو کریں گے۔
زمبابوے کے خلاف دوسرے ون ڈے کے لیے پاکستان ٹیم میں صائم ایوب، عبداللہ شفیق، کامران غلام، محمد رضوان، سلمان علی آغا، طیب طاہر، عرفان خان نیازی، عامر جمال، حارث روف، فیصل اکرم اور ابرار احمد شامل ہیں۔
