ذیشان رحمان خٹک 3سال کیلئے کمشنر ایس ای سی پی تعینات
اسلام آباد:(دنیا نیوز)ذیشان رحمان خٹک کو 3 برسوں کیلئے کمشنر سکیوریٹیز اینڈ ایکسچینج کمیشن آف پاکستان (ایس ای سی پی) تعینات کر دیا گیا۔
نوٹیفکیشن کے مطابق ذیشان رحمان خٹک کی تعیناتی کیلئے وفاقی کابینہ نے منظوری دے دی ہے، ذیشان خٹک چیف کمرشل آفیسر سافٹ ویئر ایکسپورٹ بورڈ کے فرائض انجام دے چکے ہیں۔
خیال رہے ذیشان رحمان خٹک کی تعیناتی ایس ای سی پی ایکٹ 1997 کے تحت ہوئی ہے، کمشنر سکیوریٹیز اینڈ ایکسچینج کمیشن آف پاکستان (ایس ای سی پی) میں کمشنر کی تعیناتی کیلئے انٹرویوز ستمبر کے دوران لیے گئے تھے۔
نوٹیفکیشن میں مزید بتایا گیا کہ ذیشان رحمان خٹک کی تعیناتی کے بعد ایس ای سی پی کا بورڈ مکمل ہو گیا۔
