جنوبی کوریا کے دارالحکومت سیول میں ریکارڈ برفباری، 2 افراد ہلاک
سیول: (ویب ڈیسک) جنوبی کوریا کے دارالحکومت سیول میں ریکارڈ برفباری کے بعد نظام زندگی مفلوج ہو گیا ہے۔
غیر ملکی خبر ایجنسی کے مطابق شدید برفباری سے ٹریفک نظام درہم برہم ہو گیا، بجلی کی فراہمی متاثر ہوئی ہے، 200 سے زائد پروازیں اور 70 فیری سروسز بھی معطل ہو گئیں۔
میڈیا رپورٹس کے مطابق مشرقی ہائی ویز پر ٹریفک حادثات میں 2 افراد ہلاک جبکہ عمارتوں، تعمیراتی سائٹس سے گرنے والے ملبے سے کئی راہ گیر زخمی ہو گئے۔
غیر ملکی خبر ایجنسی کے مطابق آئندہ دنوں میں مزید برفباری کے خدشے کے پیشِ نظر الرٹ جاری کر دیا گیا ہے، سیول میں 1907ء کے بعد یہ سب سے زیادہ برف باری ہے۔
جنوبی کوریا کے محکمہ موسمیات کا کہنا ہے کہ اب تک 18 انچ تک برف پڑ چکی ہے۔
