اے این ایف کی 6 کارروائیاں، 198 کلو سے زائد منشیات برآمد، خاتون سمیت 3 ملزمان گرفتار
اسلام آباد: (دنیا نیوز) اینٹی نارکوٹکس فورس (اے این ایف) نے کراچی، لاہور، اٹک، اسلام آباد اور کوئٹہ میں چھ مختلف کارروائیوں کے دوران بھاری مقدار میں منشیات برآمد کرتے ہوئے خاتون سمیت تین ملزمان کو گرفتار کر لیا۔
ترجمان اے این ایف کے مطابق کارروائیوں کے دوران مجموعی طور پر 198.15 کلوگرام منشیات برآمد کی گئی جن میں 192 کلوگرام ہیروئن، 5.5 کلوگرام چرس، 122 گرام آئس، 530 گرام ویڈ اور 2 گرام کوکین شامل ہیں۔
ترجمان نے بتایا کہ گرفتار ملزمان کے خلاف انسدادِ منشیات ایکٹ 1997 کے تحت مقدمات درج کر لیے گئے ہیں جبکہ مزید تفتیش جاری ہے۔
