پاکستان انڈر 15 سکواش ٹیم نے ایک اور عالمی اعزاز جیت کر قومی پرچم بلند کر دیا
لاہور: (ویب ڈیسک) پاکستان کی انڈر 15 سکواش ٹیم نے ایک اور عالمی اعزاز جیت کر قومی پرچم بلند کر دیا۔
تفصیلات کے مطابق محمد سہیل عدنان نے سکواش فائنل میں چین کے یوان شی کو سٹریٹ سیٹس میں شکست دے دی، سہیل عدنان نے فائنل میں چینی حریف کو 7-11، 9-11، 7-11 سے شکست دے کر ٹائٹل اپنے نام کیا۔
ماضی میں محمد سہیل عدنان جنوبی کوریا میں 32 ویں ایشین انڈر 13 جونیئر سکواش چیمپئن بھی رہ چکے ہیں۔
ایشین جونیئر سکواش میں سہیل عدنان نے بھارت کے ابھاد سنگھ کو بھی شکست سے دوچار کیا، پاکستان کے سہیل عدنان نے کوارٹر فائنل میں بھارتی ابھاد سنگھ کو 3-11، 9-11 اور 4-11 سے عبرتناک شکست دی۔
محمد سہیل عدنان کی کامیابیاں نوجوان ٹیلنٹ ہنٹ پروگرام کے خوشگوار ثمرات ہیں۔
