سہیل آفریدی کو دہشتگردوں سے اتنی ہمدردی ہے تو افغانستان چلےجائیں: طلال چودھری
اسلام آباد:( دنیا نیوز) وزیرمملکت برائے داخلہ طلال چودھری نے کہا ہے کہ سہیل آفریدی کو دہشتگردوں سے اتنی ہمدردی ہےتوافغانستان چلے جائیں۔
وفاقی دارالحکومت میں میڈیا سے گفتگو کرتے ہوئے طلال چودھری کا کہنا تھا کہ سہیل آفریدی نےایک بارپھرابہام پیدا کیا ہے، سہیل آفریدی نےکہا ہمیں افغانستان کودہشت گردی کے شواہد دینےچاہئیں، کیا آپ کونہیں پتا دہشت گرد کہاں سے آتے ہیں، دنیا کےدودرجن ممالک افغانستان سے دہشت گردی کی تصدیق کر چکے ہیں۔
اُنہوں نے کہا کہ وزیراعلیٰ خیبرپختونخوا ابہام جان بوجھ کر پیدا کر رہے ہیں، دہشت گردوں سےنرم رویے کی کوئی تو وجہ ہے، گیارہ سال سے پی ٹی آئی کےکسی لیڈر، وزیریا مشیر پرحملہ نہیں ہوا، کالعدم دہشت گرد تنظیمیں افغانستان میں موجود ہیں۔
وزیرمملکت داخلہ کا کہنا تھا کہ وزیراعلیٰ خیبرپختونخوا افغانستان کے لیے کیوں نرم گوشہ رکھتےہیں، قومی بیانیے کے خلاف کوئی ابہام برداشت نہیں کیا جائے گا، دہشت گردوں کےخلاف نرم رویہ ناقابل برداشت ہے، آپ کو بھی وہی اٹھا کرپھینکیں گے جہاں اُن کو پھینکنا ہے۔
طلال چودھری نے کہا کہ اتنی ہمدردی ہے تو افغانستان چلےجائیں، ہمارے1200سے زائد لوگ شہید ہوئے، آپ کوکتنا خون چاہیے جس سے آپ کی غیرت جاگے، دہشتگردوں سے اتنی ہمدردی ہے تو ان کے پاس افغانستان چلے جائیں۔
اُن کا کہنا تھا کہ ہمارے لوگوں کےسروں سےفٹ بال کھیلے گئے، سٹریٹ موومنٹ چلانا ضروری یا شہدا کےساتھ کھڑا ہونا ضروری ہے،آپ سمجھتےہیں جتنا فساد ہوگا توریاست کمزور اور بلیک میل ہوگی، آپ دہشت گردوں سے نرم رویہ رکھ کر ریاست کو بلیک میل کرنے کی کوشش کرتےہیں۔
وزیرمملکت داخلہ نے کہا کہ اگرآپ کےکسی رہنما نےدہشت گردوں کےخلاف ابہام پیدا کیا توکوئی نرمی نہیں رکھیں گے، اگرافغانستان سےاتنی محبت ہےوہاں چلے جائیں ورنہ ہم چھوڑ آتے ہیں۔
