ناٹنگھم اوپن ٹینس: ڈین ایوانز مینز سنگلز کوارٹر فائنل میں داخل
لندن : (ویب ڈیسک ) انگلینڈ کے ڈین ایوانز اور چارلس بروم اے ٹی پی ناٹنگھم اوپن ٹینس ٹورنامنٹ کے مردوں کے سنگلز مقابلوں کے کوارٹر فائنل میں پہنچ گئے ۔
اے ٹی پی ناٹنگھم اوپن ٹینس ٹورنامنٹ کے کانٹے دار مقابلوں کا سلسلہ انگلینڈ کے مشہور شہر ناٹنگھم میں جاری ہے جس میں شائقین ٹینس کو انتہائی دلچسپ اور سنسنی خیز مقابلے دیکھنے کا موقع مل رہا ہے۔
مردوں کے سنگلز مقابلوں کے دوسرے راؤنڈ میں 34 سالہ انگلینڈ کے ڈین ایوانز نے عمدہ کھیل پیش کرتے ہوئے انگلینڈ کے حریف کھلاڑی ہنری سیرل کو ٹائی بریک پر 6-7(4-7) اور 6-7(5-7) سے شکست دے کر کوارٹر فائنل راؤنڈ کے لئے کوالیفائی کیا۔
ایک اور میچ میں انگلینڈ کے ہی چارلس بروم نے سخت مقابلے کے بعد جنوبی افریقا کے لائیڈ ہیرس کو 6-7(2-7)،6-2 اور 4-6 سے ہرا کر ٹورنامنٹ کے ٹاپ ایٹ کے لئے کوالیفائی کیا۔
