سکردو میں لاپتہ ہونے والے جاپانی کوہ پیماؤں کی شناخت ہو گئی
سکردو:(ویب ڈیسک )سکردو میں اسپانٹک کی مہم جوئی کے دوران لاپتہ ہونے والے جاپانی کوہ پیماؤں کی شناخت ہو گئی ۔
7 ہزار میٹر بلند چوٹی اسپانٹک پر مہم جوئی کے دوران لاپتہ ہونے والے جاپانی کوہ پیماؤں کی تلاش کے لیے پاک آرمی نے ریسکیو اینڈ سرچ آپریشن کے ذریعے ان کی 5 ہزار میٹر کی بلندی پر موجودگی کی نشاندہی کی، تاہم خراب موسم کے باعث باقاعدہ انہیں ریسکیو نہیں کیا جا سکا۔
ایڈؤ نچر ٹورز پاکستان کے سی ای او نیک نام کریم کے مطابق مذکورہ جاپانیوں کی ان کے کپڑوں سے شناخت تو ہوگئی ہے لیکن ان کی جسمانی کیفیت کا اندازہ نہیں لگایا جا سکا ہے۔
لاپتہ کوہ پیماؤں کو ریسکیو کرنے کے لیے مقامی کوہ پیماؤں کی ٹیم تشکیل دی گئی ہے جنہیں پاک فوج کے ہیلی کاپٹر کے ذریعے بیس کیمپ پہنچا دیا گیا ہے جو بیس کیمپ سے روانہ ہو چکے ہیں، کوہ پیماٹیم مل جانے والے جاپانی کوہ پیماؤں کو ریسکیو کرے گی۔
