لاہور ہائیکورٹ کے ججز کا آئندہ دو ماہ کیلئے نیا روسٹر جاری
لاہور: (دنیا نیوز) لاہور ہائیکورٹ کے ججز نے آئندہ دو ماہ کیلئے نیا روسٹر جاری کردیا۔
ججز کا نیا روسٹر چیف جسٹس عالیہ نیلم کی منظوری کے بعد جاری کیا گیا تاہم نئے ججز روسٹر کا اطلاق دو مارچ سے دو مئی تک ہوگا۔
پرنسپل سیٹ پر کیسز کی سماعت کے لیے 9 ڈویژن بنچ سماعت کرینگے جبکہ 27 ججز بطور سنگل بنچ سماعت کرینگے، چیف جسٹس لاہور ہائیکورٹ عالیہ نیلم کی سربراہی میں دو رکنی بنچ تمام نوعیت کی اپیلوں پر سماعت کرے گا۔
جسٹس عابد عزیز شیخ اور جسٹس جاوید اقبال وینس پر مشتمل 2 رکنی بنچ ٹیکس، کمرشل نوعیت کی اپیلوں پر سماعت کرے گا جبکہ جسٹس شہباز رضوی اور جسٹس سردار اکبر علی ڈوگر پر مشتمل 2 رکنی بنچ نیب، انسداد دہشت گردی اور فوجداری اپیلوں پر سماعت کرے گا۔
جسٹس فیصل زمان خان، جسٹس چوہدری اقبال کی سربراہی میں دو رکنی بنچ سول اپیلوں پر، جسٹس شہرام سرور چوہدری کی سربراہی میں دو رکنی بنچ قتل اور منشیات کی اپیلوں پر سماعت کرے گا، جسٹس فاروق حیدر کی بھی سربراہی دو رکنی نارکوٹکس نوعیت کی اپیلوں پر سماعت کرے گا۔
مزید برآں، جسٹس حسن نواز مخدوم کی سربراہی میں دو رکنی بنچ ٹیکس ریفرنسز پر سماعت کرے گا جبکہ جسٹس ملک اویس خالد کی سربراہی میں دورکنی بینچ ٹیکس کے کیسز کی سماعت کرے گا۔
