آج سے مناسک حج کا آغاز رکن اعظم وقوف عرفہ کل ہوگا
مکہ المکرمہ(اے پی پی)دنیا بھر سے لاکھوں مسلمان کل ( جمعہ ) کو منیٰ پہنچ کر پانچ روزہ مناسک حج کی ادائیگی کاآغاز کریں گے ، حجاج کرام ہفتہ 15 جون کی صبح وقوف عرفہ کے لیے میدان عرفات روانہ ہوں گے ۔
سعودی حکومت نے حج 2024 کیلئے عازمین حج کو بہترین سہولیات فراہم کرنے اور ان کی سکیورٹی کو یقینی بنانے کیلئے تمام تر انتظامات مکمل کرلئے ہیں ۔ ایک دن منیٰ میں قیام کے دوران عازمین حج پانچ وقت کی نماز اور عبادت بجا لائیں گے ۔ کل ہفتہ کی صبح عازمین حج میدان عرفات کیلئے روانہ ہو نگے جو حج کا رکن اعظم ہے ۔ میدان عرفات میں حج کے خطبہ کے بعد ظہر اور عصر کی نماز ملا کر پڑھی جائیگی۔
روزنامہ دنیا ایپ انسٹال کریں
