بٹ کوائن کی قیمت 1 لاکھ ڈالر کی تاریخی سطح پر پہنچ گئی
نیو یارک(اے ایف پی،رائٹرز)بٹ کوائن کی قیمت پہلی مرتبہ ایک لاکھ ڈالر کی بلند ترین سطح پر پہنچ گئی ۔
جمعرات کو دنیا کی سب سے بڑی کرپٹوکرنسی بٹ کوائن امریکا میں 98 سے 99 ہزا ر ڈالر کے درمیان ٹریڈ کر رہی تھی ،گزشتہ روز بٹ کوائن کی قیمت 1 لاکھ ڈالر کی تاریخی سطح پر پہنچ گئی۔یاد رہے ٹرمپ کی کامیابی کے بعد سے گزشتہ دو ہفتے میں بٹ کوائن کی قیمت 40 فیصد بڑھ گئی ۔ ٹرمپ نے اپنی مہم کے دوران کہا تھا کہ وہ امریکا کو دنیا کا کرپٹو دارالحکومت بنائیں گے ۔ ادھر کرپٹو کرنسی میں سرمایہ کاری کرنے والوں کے لیے نئی امید پیدا ہوئی ہے کہ ٹرمپ کے آنے سے سکیورٹی اینڈ ایکسچینج کمیشن کی کڑی نگرانی سے چھٹکارا مل جائے گا۔
روزنامہ دنیا ایپ انسٹال کریں
