ٹرمپ کی گولڈن ویزا سکیم ، 1دن میں ہزار کارڈ فروخت
واشنگٹن(مانیٹرنگ ڈیسک)امریکی وزیر تجارت ہاورڈ لٹنک نے کہا ہے کہ صدر ڈونلڈ ٹرمپ کی گولڈ کارڈویزا سکیم کے تحت 1دن میں ہزار کارڈ فروخت کئے گئے ۔
انہوں نے کہا کہ گولڈ کارڈ یا گولڈن ویزا سکیم غیر معمولی کامیابی حاصل کرتی نظر آ رہی ہے ۔ہاورڈ لٹنک نے دعویٰ کیا ہے کہ گولڈ کارڈز کی فروخت سے امریکی معیشت کو 5 ارب ڈالرکا فائدہ ہوا۔یہ سکیم فروری 2025 میں صدر ٹرمپ نے متعارف کرائی تھی جو دنیا بھر کے دولت مند افراد کو 50 لاکھ ڈالرکے عوض امریکا میں مستقل رہائش اور اختیاری شہریت کی پیشکش کرتی ہے ۔یہ سکیم روایتی ای بی فائیو ویزے سے مختلف ہے ،جس میں سرمایہ کاروں کو کم از کم 10 ملازمتیں پیدا کرنا اور 10لاکھ ڈالرز کی سرمایہ کاری کرنا لازم تھا، گولڈ کارڈ میں ایسی کوئی شرط نہیں رکھی گئی، بلکہ صرف سرمایہ کاری کرنا کافی ہے ۔اس سکیم کے تحت سرمایہ کاری پر مستقل رہائش ملے گی، سرمایہ کار چاہے تو شہریت لے یا صرف رہائش پر اکتفا کرے ، بیرون ملک کمائی پر ٹیکس نہیں لگے گا۔یاد رہے ٹرمپ کا دعویٰ ہے کہ ہم 10 لاکھ گولڈ کارڈ بیچ سکتے ہیں جس سے معیشت کو بے حد فائدہ مند ہو گا۔ ابتدائی اعداد و شمار کے مطابق اگر اسی رفتار سے فروخت جاری رہی تو امریکا کو 1 سال میں 1 ٹریلین ڈالر کا فائدہ ہو سکتا ہے ۔
