ایرانی حملے پر حیرت ہوئی، تعلقات متاثر ہونگے :قطری وزیراعظم
دوحہ (دنیا نیوز،مانیٹرنگ ڈیسک)قطری وزیراعظم محمد بن عبدالرحمٰن نے کہا ہے کہ ایران کے حملے پر ہمیں حیرت ہوئی ، یہ حملے دونوں ممالک کے تعلقات پر اثر ڈالیں گے ۔
دوحہ میں لبنانی وزیراعظم کے ساتھ مشترکہ پریس کانفرنس کرتے انہوں نے کہا قطر پرحملہ ناقابل قبول اور سفارتی آداب کی خلاف ورزی ہے ، کل جو ہوا وہ قطری عوام کے لیے دھچکا تھا، اس حملے کی مذمت کرتے ہیں۔ ایران کے حملے قطر اور ایران کے تعلقات پر اثر ڈالیں گے مگر امید ہے کہ ہمسائیگی پر مبنی تعلقات کو نقصان نہیں پہنچے گا۔ ایرانی حملے کے دفاع میں قطری فوج کے کردار کو سراہتے ہیں، ہماری فوج قطر کی خودمختاری کی حفاظت کرسکتی ہے ، قطری ائیرڈیفنس نے کامیابی سے ایرانی حملہ ناکام بنایا۔لبنانی وزیراعظم نواف سلام نے کہا حملے پر قطرکے ساتھ اظہاریکجہتی کرتے ہیں ، اسرائیلی حملے ایران کی خودمختاری کی خلاف ورزی تھے ، ایران کی خودمختاری کو کسی صورت نقصان نہیں ہونا چاہیے ۔ لبنان خطے میں امن کا خواہاں ہے ۔ ہمیں اسرائیل اور ایران کی جنگ میں گھسیٹا جارہا تھا، ایران اور اسرائیل معاملے پر خود کو جنگ سے بچانے میں کامیاب رہے ۔
