مقبوضہ کشمیر کی قانونی حیثیت سلب کرنے والے سابق گورنر ستیہ پال چل بسے
سرینگر (مانیٹرنگ ڈیسک)مقبوضہ کشمیر کی قانونی حیثیت سلب کرنے والے مقبوضہ جموں و کشمیر کے سابق گورنر ستیہ پال ملک انتقال کر گئے ۔78 سالہ ستیہ پال ملک نے دہلی کے آر ایم ایل ہسپتال میں اپنی آخری سانس لی، وہ گزشتہ تین ماہ سے زیرِ علاج تھے۔۔۔
انہیں شدید انفیکشن اور گردے کی پیچیدگیوں کی وجہ سے آئی سی یو میں رکھا گیا تھا۔ ستیہ پال ملک نے اگست 2018ء سے اکتوبر 2019ء تک مقبوضہ جموں و کشمیر کے آخری گورنر کے طور پر خدمات انجام دیں۔ ستیہ پال ملک اس وقت مقبوضہ جموں و کشمیر کے گورنر تھے جب مودی حکومت نے 2019ء میں مقبوضہ وادی کی خصوصی حیثیت کو منسوخ کر کے اسے مرکز کے زیر انتظام دو علاقوں میں تقسیم کر دیا تھا۔ان ہی کے دور میں 5 اگست 2019ء کو آرٹیکل 370 کو منسوخ کر کے مقبوضہ کشمیر کی قانونی حیثیت کو ختم کیا گیا تھا۔ اس کے بعد وہ بہار اور میگھالیہ کے گورنر بنے ۔
