برطانیہ :شدید برفباری کا الرٹ،بجلی و ٹرانسپورٹ نظام متاثر ہونے کا خدشہ
لندن (مانیٹرنگ ڈیسک) برطانوی میٹ آفس نے ملک کے مختلف علاقوں میں شدید برفباری کے باعث الرٹ جاری کر دیا ہے ، جس میں سکاٹ لینڈ کے شمال مشرق سے ٹائی سائیڈ اور وسطی سکاٹ لینڈ زیادہ متاثر ہونے کی توقع ہے ۔
شمال مشرق اور شمال مغربی انگلینڈ، ایسٹ ویسٹ مڈلینڈز، یارکشائر اور ہمبر میں برفباری کا امکان ہے ۔ شدید موسم کی وجہ سے درجہ حرارت کم رہنے اور بجلی و ٹرانسپورٹ نظام متاثر ہونے کا خدشہ ہے ۔
نیشنل ریل نے انگلینڈ، ویلز اور سکاٹ لینڈ میں ممکنہ خلل کی وارننگ جاری کی ہے ، جبکہ بعض علاقوں میں ایک فٹ تک برف پڑنے کی پیشگوئی ہے ۔
روزنامہ دنیا ایپ انسٹال کریں
