کینیا کی 80لاکھ کلو گرام چائے پڑی رہ گئی
نیروبی (رائٹرز)ایران جنگ سے منسلک بحری راستوں میں خلل کے باعث کینیا کے بندرگاہی شہر مومباسا میں تقریباً 80 لاکھ کلوگرام چائے کئی ہفتوں سے گوداموں میں پھنسی ہوئی ہے جس سے برآمدی آمدنی اور کسانوں کی آمدن کو خطرہ لاحق ہو گیا ہے ۔۔
یہ بات ایسٹ افریقہ ٹی ٹریڈرز ایسوسی ایشن کے سربراہ نے بتائی۔اوموگا کے مطابق، کینیا ہر سال اوسطاً 10 کروڑ کلوگرام چائے مشرقِ وسطیٰ کی منڈیوں کو برآمد کرتا ہے ۔انہوں نے کہا پاکستان اور مصر کے لیے جانے والی چائے اب بھی روانہ ہو رہی ہے لیکن صرف کیپ آف گڈ ہوپ کے طویل راستے سے جس کی وجہ سے فریٹ (ترسیلی)اور انشورنس کے اخراجات میں اضافہ ہو گیا ہے اور برآمد کنندگان کے منافع میں کمی آ رہی ہے ۔
روزنامہ دنیا ایپ انسٹال کریں
