سری لنکا:شمسی توانائی کی زائد پیداوار ملک بھر میں 6گھنٹے بجلی فراہمی معطل
کولمبو(اے ایف پی)سری لنکا میں ہفتے کو قومی بجلی کا نظام اچانک ٹرپ کر جانے کے باعث ملک بھر میں تقریباً چھ گھنٹے بجلیکی فراہمی معطل رہی۔ حکام کے مطابق بجلی کی بندش کی ممکنہ وجہ شمسی توانائی کی پیداوار کا بجلی کی طلب سے بڑھ جانا ہے۔
سرکاری بجلی اتھارٹی کے مطابق ملک میں دوپہر تقریباً 12 بجے بجلی کی فراہمی معطل ہوئی، جو شام ڈھلنے کے بعد مرحلہ وار بحال کی گئی۔ وزیر توانائی انورا کروناتیلاکا نے کہا کہ بڑے بریک ڈاؤن کی وجوہات کی تحقیقات جاری ہیں، تاہم انجینئرز کو شبہ ہے کہ ہفتہ وار تعطیل کے دوران بجلی کی طلب کم ہونے اور شمسی توانائی کی پیداوار بڑھنے سے نظام میں عدم توازن پیدا ہوا۔حکام نے بجلی کا نظام مستحکم کرنے کے لیے گھروں کی چھتوں پر شمسی پینل لگانے والے صارفین سے بار بار اپیل کی کہ وہ اپنے نظام عارضی طور پر بند کردیں۔ اس کے بعد بجلی کی فراہمی بحال کرنے میں مدد ملی۔
Comments / رائے دیں
Share your thoughts. Comments are reviewed before they appear publicly.
Approved Comments