پلے بیک سنگرسونو نگم آئٹم سونگ میں پرفارم کریں گے
گلوکارفلم ’’سانتا بانتا‘‘کے گانے ’’ مچھلی جل کی رانی ہے ‘‘ میں رقص کریں گے
نئی دہلی(نیٹ نیوز)سلمان خان،عامر خان اور رنبیر کپور کے نقش قدم پر چلتے ہوئے اب بھارتی فلم انڈسٹری کے مشہور پلے بیک سنگر سونو نگم بھی آئٹم سونگ پر رقص کا مظاہرہ پیش کریں گے ۔ سونونگم بھارتی پروڈیوسر آکاش دیپ کی فلم ’’سانتا بانتا‘‘کے گانے ’’ مچھلی جل کی رانی ہے‘‘ میں رقص کریں گے جس میں انکے علاوہ نیہا دھوپیا بھی اپنی صلاحیتوں کے جوہر دکھاتی نظر آئیں گی۔ واضح رہے کہ سونو نگم نے اس سے قبل 2002 ء میں بننے والی فلم جانی دشمن میں بھی اداکاری کا مظاہرہ کیا تھاتاہم یہ فلم کامیاب نہیں ہو سکی تھی۔سونو نگم کا کہنا ہے کہ اداکاری کے میدان میں آ نے کے بعد انہوں نے بہت سی غلطیاں کی تھیں لیکن اب وہ غلطیاں نہیں دہرائیں گے ۔
روزنامہ دنیا ایپ انسٹال کریں
