ٹیکس دہندگان کی فہرست میں بھی شاہ رخ خان کی بادشاہت برقرار
ممبئی(شوبزڈیسک)فار چون انڈیا نے مالی سال 2023-24 کے لیے مشہور ٹیکس دہندگان کی فہرست جاری کردی ہے جس میں بالی ووڈ کنگ شاہ رخ خان سرِفہرست ہیں۔
بھارتی میڈیا کے مطابق فہرست میں شاہ رخ خان کے بعد تامل اداکار وجے کا نام موجود ہے جبکہ دبنگ سٹار سلمان خان تیسرے نمبر پر ہیں،فہرست کے مطابق شاہ رخ خان نے سال 2023-24 میں 92 کروڑ روپے کا انکم ٹیکس ادا کیا، تامل فلموں کے سٹار وجے نے 80 کروڑ روپے جبکہ سلمان خان نے 75 کروڑ روپے ٹیکس ادا کیا۔بالی ووڈ کے شہنشاہ امیتابھ بچن نے 71 کروڑ روپے کا انکم ٹیکس ادا کیا، اجے دیوگن نے 42 کروڑ جبکہ رنبیر کپور نے 36 کروڑ کا انکم ٹیکس ادا کیا۔ ہریتھک روشن نے 28 کروڑ، کپل شرما نے 26 کروڑ، کرینہ کپور نے 20 کروڑ، شاہد کپور نے 14 کروڑ، کیارا ایڈوانی نے 12 کروڑ، کترینہ کیف، پنکج ترپاٹھی اور عامر خان نے 11،11 کروڑ روپے کا انکم ٹیکس ادا کیا۔
