خود کو پیدائشی نہیں شعوری مسلمان سمجھتا ہوں: حمزہ عباسی
لاہور(شوبزڈیسک ) معروف اداکار حمزہ علی عباسی نے کہاہے کہ میں پیدائشی مسلمان نہیں ہوں، بلکہ میں خود کو شعوری مسلمان سمجھتا ہوں جو دین کو سمجھ کر اس کی پیروی کرتا ہے ۔
ایک پوڈ کاسٹ میں انہوں نے کہاکہ ہاں میں ایک مسلمان گھرانے میں پیدا ہوا، میں پہلے سے ایک مسلمان تھا لیکن اب میں جو زندگی گزار رہا ہوں وہ میری اپنی مرضی ہے ، میں نے تمام مذاہب کا مطالعہ کرنے کے بعد اسلام کا انتخاب کیا۔ میں کوئی مذہبی اسکالر نہیں ہوں لیکن دین کی جو باتیں مجھے عقلی و شعوری طور پر سمجھ آتی ہیں میں ان پر عمل کرنے اور انہیں آگے پہنچانے کی کوشش کرتا ہوں۔ مذہب کو جاننے کے لیے کسی بڑے واقعے کا انتظار نہیں کیا بلکہ میرے ذہن میں آس پاس کی چیزوں سے متعلق سوال پیدا ہوتے تھے ، یہ دنیا کیسے کام کرتی ہے ؟ آخرت کی حقیقت کیا ہے ؟ کیا واقعی آخرت میں کسی کو جوابدہ ہونا پڑے گا؟۔
