فواد خان نے بھارتی اداکارہ نیلم کے دل میں جگہ بنالی
ممبئی (شوبزڈیسک) بھارتی اداکارہ نیلم کوٹھاری نے پاکستانی اداکار فواد خان کے لیے پسندیدگی کا اظہار کیا ہے۔
نوے کی دہائی کی مشہور اداکارہ نیلم کوٹھاری کی ایک ویڈیو سوشل میڈیا پر وائرل ہورہی ہے جس میں نیلم نے پاکستانی ڈراموں کی تعریف کرتے ہوئے کہا کہ ‘‘پاکستانی ڈراموں کی خاصیت یہ ہے کہ وہ حقیقت سے قریب ہوتے ہیں، کہانی اچھی ہوتی ہے ، اور ڈرامے میں فنکاروں کے ملبوسات اور رہن سہن بھی بہت عمدہ ہوتے ہیں جو دیکھ کر جھوٹ نہیں لگتے ۔ بولنے کا انداز، لب و لہجہ سن کر ڈراما بنانے والوں کی سنجیدگی کا اندازہ ہوتا ہے ’’۔اداکارہ نے کہا کہ ‘‘پاکستانی اور ترکیہ کے ڈرامے ایسے ہیں جو میں شوق سے دیکھتی ہوں کیونکہ ان میں جذبات بہت گہرے ہوتے ہیں اور جس طرح کہانی کو بُنا جاتا ہے وہ اہم ہے ’’۔پاکستانی اداکاروں میں پسندیدگی کے حوالے سے نیلم کا کہنا تھا کہ ‘‘میں یہ بھی بتانا چاہوں گی کہ مجھے پاکستانی ڈرامے بہت پسند ہیں اور سب سے زیادہ پسند فواد خان ہیں، وہ بہت حسین ہیں، اور مجھے بے انتہا پسند ہیں۔
