ٹک ٹاک سے پابندی نہ ہٹائی تو پاکستان چلی جائوں گی راکھی ساونت کی مودی کو دھمکی
ممبئی ،لاہور(شوبزڈیسک )بھارتی اداکارہ و رقاصہ راکھی ساونت نے بھارتی وزیرِ اعظم نریندر مودی کو دھمکی دیتے ہوئے کہا کہ اگر بھارت میں ٹک ٹاک پر عائد پابندی نہ ہٹائی گئی تو میں پاکستان چلی جاؤں گی اور وہاں جاکر حلوہ پوری کھاؤں گی اور کسی پاکستانی سے شادی کر لوں گی۔
پاکستان جا کر میں ہانیہ عامر، نرگس اور دیدار سے ملاقات کروں گی۔اس کے ساتھ ہی انہوں نے ہانیہ عامر سے پیار و محبت کا اظہار کرتے ہوئے ایئر پورٹ پر پک کرنے کی بھی درخواست کی اور ان کے گھر میں ٹھہرنے کے لیے جگہ بھی مانگ لی،جس کے جواب میں پاکستانی اداکارہ نے انسٹا سٹوری پر مختصر ویڈیو میں کہا کہ پہلے زندگی کافی سیڈ (افسردہ)تھی اور پھر زندگی میں راکھی جی آ گئیں،انہوں نے راکھی ساونت کو مخاطب کر کے ان کی درخواست قبول کرتے ہوئے کہا کہ راکھی جی میں آپ کو ایئر پورٹ لینے آ رہی ہوں۔
روزنامہ دنیا ایپ انسٹال کریں
