کروڑ کی نوکری چھوڑ کر ٹھیلا لگانے کو ترجیح دونگی:کومل
کراچی (آئی این پی) اداکارہ کومل عزیز خان نے کہا کہ نوکری کرنے والا کاروبار نہیں کرسکتا، بزنس مین پیدا ہوتا ہے ۔۔
کومل عزیز خان نے حال ہی میں ایک انٹرویو کے دوران کہا کہ ایک کامیاب بزنس مین بننا سیکھنے کا نہیں، فطری صلاحیت کا معاملہ ہے ۔ ان کا کہنا تھا کہ،بزنس مین پیدا ہوتا ہے ، اسے بنانا ممکن نہیں، یہ صلاحیت انسان کے اندر ہوتی ہے ۔اداکارہ نے کہا کہ انہیں ذاتی طور پر بھی بزنس کرنے کی خواہش بہت پہلے سے تھی، لیکن ان کے پس منظر میں ایسی کوئی مثال موجود نہیں تھی کہ کوئی لڑکی اکیلے کاروبار کا آغاز کرے ۔ انہوں نے کہا کہ اگر مجھے آج بھی کوئی کروڑوں روپے کی نوکری کی پیشکش کرے ، مکمل سہولیات، گاڑی، انشورنس وغیرہ دے اور میرے پاس صرف ایک لاکھ روپے ہوں، تب بھی میں بن کباب کا ٹھیلہ لگانا پسند کروں گی۔
روزنامہ دنیا ایپ انسٹال کریں
