مشکلات سے نمٹنے کے بعد ثنا نواز کا شوبز میں واپسی کا اعلان
لاہور(شوبزڈیسک) معروف اداکارہ ثناء نواز نے اپنی ذاتی زندگی کے مشکل دور کے بعد شوبز میں واپسی کا اعلان کر دیا ہے ۔۔
اداکارہ ثناء جنہیں لوگ ثنا فخر کے نام سے جانتے ہیں، نے 2000 کی دہائی میں شوبز کی دنیا میں قدم رکھا اور جلد ہی فلم انڈسٹری میں اپنی جگہ بنا لی۔ بعد ازاں انہوں نے ٹی وی ڈراموں میں بھی کام کیا اور خوب شہرت سمیٹی۔حالیہ دنوں میں ثنا کی ذاتی زندگی میں شدید مشکلات پیش آئیں اور انہوں نے شوہر فخر سے طلاق لے لی۔ ثنا اور فخر کے 2 بیٹے بھی ہیں۔ طلاق کے بعد ثناء نواز برطانیہ منتقل ہو گئی ہیں جہاں وہ کچھ پاکستانی منصوبوں پر بھی کام کریں گی۔ایک تقریب میں میڈیا سے گفتگو کرتے ہوئے ثناء نواز نے بتایا کہ وہ کئی سالوں سے کام کر رہی ہیں لیکن ذاتی مصروفیات کے باعث کچھ عرصہ پراجیکٹس سے دور تھیں تاہم اب وہ دوبارہ سکرپٹس پڑھ رہی ہیں اور جلد ٹی وی پر واپسی کریں گی۔
