تخت لاہور فتح کرنے کیلئے کون کس سے ٹکرائے گا؟
این اے 131عمران بمقابلہ سعدرفیق،134میں شہبازشریف، ظہیر عباس کا جوڑ این اے 125میں مریم نواز، یاسمین راشد مدمقابل‘ایاز صادق ، علیم خان آمنے سامنے
حمزہ شہباز اور ولید اقبال میں ٹکراؤ،این اے 133زعیم قادری ، اعجاز چودھری کافائنل شفقت محمود ‘خواجہ حسان ‘اعجاز ڈیال اور شیخ روحیل اصغر کے مابین بھی گھمسان کا رن پڑیگا لاہور( اپنے پولیٹیکل رپورٹر سے ، دنیا نیوز)تخت لاہور فتح کرنے کیلئے کون کس سے ٹکرائے گا؟ 2018 کے عام انتخابات میں لا ہور میں سابق حکمران جماعت ن لیگ اور تحریک انصاف میں جوڑ پڑے گا۔دونوں جماعتوں نے لاہور کی قومی اسمبلی کی 14نشستوں کیلئے ابھی اپنے حتمی امیدواروں کا اعلان نہیں کیا تاہم ذرائع کے حوالے سے کہا جارہاہے کہ دونوں جماعتوں کے یہی امیدوار تھوڑی بہت تبدیلی کے ساتھ انتخابی میدان میں اترنے کیلئے تیارہیں۔ذرائع کے مطابق عمران خان نے لاہور کے حلقہ این اے 131 سے الیکشن لڑنے کا فیصلہ کیا ہے ، مہرواجداین اے 123،این اے 124سے ولید اقبال،ڈاکٹریاسمین راشداین اے 125سے میدان میں اتریں گی ،این اے 126سے حماداظہرجبکہ این اے 127سے جمشید اقبال چیمہ،این اے 128سے اعجازڈیال کومیدان میں اتارنے کافیصلہ کیا گیا ہے ۔ این اے 129سے علیم خان،این اے 130سے شفقت محمودکومقابلے کیلئے ٹکٹ جاری کرنے کافیصلہ ہوا ہے ۔ این اے 132سے منشاسندھو،این اے 133سے اعجازچودھری الیکشن لڑیں گے ۔ این اے 134سے ظہیرعباس کھوکھر،این اے 135سے کرامت کھوکھرجبکہ این اے 136سے خالدگجرکوٹکٹ دیاجائے گا۔قابل ذکر بات یہ ہے کہ شاہ محمود قریشی کے پنجاب کی صوبائی نشست کیلئے لاہورسے بھی الیکشن لڑنے کے واضح امکا نات ہیں،شاہ محمود قریشی پی پی 158یا162سے الیکشن لڑ سکتے ہیں۔ادھر دنیانیوزکے مطابق پی ٹی آئی کے مقابلے میں ن لیگ نے اپنے مضبوط امیدوار میدان میں اتارنے کا فیصلہ کیاہے ۔این اے 123سے ملک ریاض(ن)لیگ کے امیدوارہوں گے ۔حمزہ شہباز این اے 124جبکہ مریم نواز این اے 125سے الیکشن لڑیں گی،این اے 126 سے میاں مرغوب،این اے 128سے شیخ روحیل اصغر،ایازصادق این اے 129،خواجہ احمدحسان این اے 130 سے (ن)لیگ کے امیدوارہوں گے ،سابق وزیر ریلوے خواجہ سعد رفیق این اے 131 سے ،این اے 133سے زعیم قادری،شہبازشریف این اے 134 سے الیکشن لڑیں گے ، این اے 135سے (ن)لیگ کے سیف الملوک کھوکھرامیدوار ہوں گے ، این اے 136 سے افضل کھوکھر(ن)لیگ کے امیدوارہوں گے ۔ن لیگ کی جانب سے ابھی این اے 127اور132کیلئے امیدواروں کا اعلان کیا جاناباقی ہے ۔ تخت لاہور
