پنجاب:گندم کے اجرا پر اربوں کی سبسڈی ختم کرنیکا فیصلہ
لاہور (اپنے سٹی رپورٹر سے )محکمہ خوراک پنجاب کی طرف سے سرکاری گندم کے اجرا پر اربوں روپے کی سبسڈی ختم کرنے کا فیصلہ کیا ہے ایک ہزار آپریشنل فلور ملوں کو سرکاری گندم 4450روپے فی من فروخت کی جائے گی،15اکتوبر سے فلور ملوں کو سرکاری گندم کی فراہمی شروع کی جائے گی۔
سرکاری گندم کے اجرا کے بعد بیس کلوگرام آٹے کا تھیلا 2600روپے میں فروخت کیا جائے گا،محکمہ خوراک پنجاب کے پاس چالیس لاکھ ٹن سے زائد ذخائر موجود ہیں،سرکاری گندم کی قیمت 3900روپے فی من ہے ۔سرکاری گندم میں ٹرانسپورٹ سمیت تمام چارجز شامل کر کے گندم کی قیمت نکالی جائے گی۔اوپن مارکیٹ میں بیس کلوآٹے کا تھیلا 2750روپے میں فروخت کیا جا رہا ہے ۔
روزنامہ دنیا ایپ انسٹال کریں
