ارشد شریف قتل کیس کا ٹرائل روک دیاگیا
اسلام آباد(اپنے نامہ نگارسے )ڈسٹرکٹ اینڈ سیشن کورٹ میں زیر سماعت سینئر صحافی و اینکرارشدشریف قتل کیس میں کارروائی روکتے ہوئے فائل داخل دفتر کردی گئی۔
جوڈیشل مجسٹریٹ کی عدالت سے جاری سماعت کے تحریری حکم نامہ میں عدالت نے گواہان کی عدم پیشی اور عدم دلچسپی کے باعث کارروائی کی فائل ریکارڈ روم بھیجنے کا حکم دیتے ہوئے کہا کہ متعدد بار بیانات ریکارڈ کرانے کے لیے گواہان کو طلب کیاگیا لیکن کوئی پیش نہ ہوا، گزشتہ سماعت پر پراسیکیوشن کو نوٹس دیاکہ کیوں نہ فائل ریکارڈ روم بھیج دی جائے ، پراسیکیوٹر کے مطابق پرائیویٹ اور سرکاری گواہان بیانات ریکارڈ کرانے عدالت نہیں آرہے ، کیس کی کارروائی روک رہے ہیں، گواہوں کی پیشی کو دیکھتے ہوئے پراسیکیوشن نئی تاریخ کیلئے درخواست دائر کر سکتی ہے ، فائل کو ریکارڈ روم بھیجا جاتاہے ۔
روزنامہ دنیا ایپ انسٹال کریں
