مجھے گرفتار کرکے کہا گیا بلاول کی پارٹی جوائن کرینگی یا مریم کی:شاندانہ گلزار
اسلام آباد (نا مہ نگار، آئی این پی)سنی اتحاد کونسل کی رکن قومی اسمبلی شاندانہ گلزار نے دعویٰ کیا ہے کہ جب انہیں گرفتار کیا گیا تو سوال پوچھا گیا کہ بلاول بھٹو کی پارٹی جوائن کریں گی یا مریم نواز کی۔
قومی اسمبلی میں بجٹ پر بحث کے دوران شاندانہ گلزار نے کہا کہ یہ ایوان قابل احترام ہے ، طیبہ راجہ کو بالوں سے گھسیٹا گیا، میں ہمیشہ حق کے لئے لڑتی ہوں۔شاندانہ گلزار نے کہا کہ یہ بجٹ عوام کو برباد کرنے کے لئے ہے ، مالداروں کے ہسپتال لندن میں ہیں، یہاں کے غریب عوام کیا کریں گے ؟ کہا جاتا ہے ووٹ کو عزت دو، ووٹ کی دھجیاں اڑا دی گئی ہیں، اس ملک پر دو پارٹیوں کا راج رہا ہے ، ان کا مزید کہنا تھا کہ بانی پی ٹی آئی کے ہوتے ہوئے کے پی میں دہشت گرد نہیں تھے ، اب کے پی میں دہشت گرد آگئے ، جمہوریت بہترین انتقام ہے ، دو سال میں پاکستان سے 15 لاکھ پڑھے لکھے بچے بچیاں باہر چلے گئے ہیں۔
