سندھ اسمبلی: 3 مخصوص نشستوں پر نام پی ٹی آئی قیادت کو ارسال
کراچی (سٹاف رپورٹر)قومی و صوبائی اسمبلی کی مخصوص نشستوں کے معاملے پر پی ٹی آئی سندھ اسمبلی کے 9ارکان نے پارٹی وابستگی کے حلف نامے جمع کرانا شروع کردئیے ۔
ذرائع کے مطابق سندھ اسمبلی میں 9ارکان آزاد گروپ کے طور پر موجود ہیں،پی ٹی آئی نے سندھ اسمبلی کی 3مخصوص نشستوں پر امیدوار نامزد کرنے کا فیصلہ کیا ہے ،ذرائع کا کہنا ہے کہ سندھ اسمبلی کی 3خالی مخصوص نشستوں کے لیے نام پارٹی قیادت کو بھجوائے گئے ہیں۔سندھ اسمبلی میں اقلیتوں کی ایک مخصوص نشست کے لیے بھگوان داس بھیل کا نام تجویز کیا گیا ہے ،عدالت عظمیٰ کے فیصلے کے بعد سندھ اسمبلی میں خواتین کی 2مخصوص نشستیں خالی ہوں گی ،پی ٹی آئی ذرائع کا کہنا ہے کہ قومی اسمبلی میں اقلیتوں کی مخصوص نشستوں کے لیے سندھ کے 2 رہنماؤں کے نام تجویز کیے جائیں گے ۔
روزنامہ دنیا ایپ انسٹال کریں
