کرپشن کیس:خاور مانیکا کے رویے پر اینٹی کرپشن عدالت کے جج برہم
ساہیوال (نمائندہ دنیا، دنیا نیوز )بشریٰ بی بی کے سابق خاوند خاور مانیکا کا اینٹی کرپشن عدالت میں پیشی پر جج سے تلخ جملوں کا تبادلہ ہوا۔
دوران سماعت خاور مانیکا نے جج کو کہا کہ کیس کی تمام کارروائی مکمل کرکے آج ہی فیصلہ کردیا جائے ، جس پر سپیشل جج اینٹی کرپشن آصف بشیر نے خاور مانیکا کے رویے پر برہمی کا اظہار کیا۔دوران سماعت سپیشل جج اینٹی کرپشن آصف بشیر اور خاور مانیکا کے درمیان تلخ جملوں کا تبادلہ بھی ہوا،خاور مانیکا کروڑوں روپے کی کرپشن کیس میں اینٹی کرپشن عدالت میں پیش ہوئے تھے ۔دوسری جانب بشریٰ بی بی کے بیٹے موسیٰ مانیکا کی عدم حاضری پرعدالت نے دوبارہ وارنٹ گرفتاری جاری کر دیئے ، عدالت نے خاور مانیکا اور موسیٰ مانیکا کو 10ستمبر کو پیش ہونے کا حکم دیتے ہوئے سماعت ملتوی کردی۔
روزنامہ دنیا ایپ انسٹال کریں
