احسن شاہ کی بیوی کی مبینہ آڈیو، ملزمہ کی گرفتاری کیلئے چھاپہ
لاہور (کرائم رپورٹر)امیر بالاج ٹیپو قتل کیس کے مبینہ ملزم احسن شاہ کی پولیس مقابلے میں ہلاکت سے قبل مبینہ آڈیو سامنے آنے کے معاملے میں احسن شاہ کی اہلیہ عریشہ شاہ کی گرفتاری کیلئے پولیس نے چھاپہ مارا ۔
احسن شاہ کی والدہ نے الزام عائد کیا کہ عریشہ شاہ گھر سے لاکھوں کے زیورات اور نقدی لے کر فرار ہو گئی۔ احسن شاہ کی والدہ نے تھانہ راوی روڈ میں بھی عریشہ کے خلاف چوری کے مقدمے کی درخواست دے دی ۔ جس میں عریشہ پر گھر سے زیورات اور پیسے چوری کرنے کا الزام لگایا گیا ۔ پولیس کے مطابق عریشہ جنازے کے فوری بعد گھر سے غائب ہوگئی تھی، انکے والد کے گھر بھی تالے لگا کر سب غائب ہیں ۔واضح رہے کہ دو روز قبل احسن شاہ کی ایک آڈیو سامنے آئی ہے ، جس میں وہ اپنی اہلیہ سے بات کرتے ہوئے پولیس افسر کے قتل کا ارادہ ظاہر کررہا تھا۔پولیس کے مطابق احسن نے جیل میں بیٹھ کر شوٹر بھی ہائر کرلیا تھا۔
