پاک روس انسداددہشتگردی مشترکہ فوجی مشق دروزبا ہفتم کا آغاز
راولپنڈی (اے پی پی) پاکستان اور روس کے درمیان مشترکہ فوجی مشق دروزبا ہفتم کا آغاز ہو گیا، یہ پاک روس افواج کی انسداددہشتگردی شعبے میں ساتویں دوطرفہ مشترکہ مشق ہے ، مشق میں حصہ لینے والے دستے ایک دوسرے کے باہمی تجربے سے فائدہ اٹھائیں گے ۔
آئی ایس پی آر کے مطابق دو ہفتے طویل مشق 13 اکتوبرکونیشنل کاؤنٹرٹیررازم سینٹر پبی میں شروع ہوئی۔ کمانڈنٹ نیشنل کاؤنٹرٹیررازم سینٹرنے افتتاحی تقریب میں شرکت کی جب کہ مشق میں لائٹ کمانڈو ٹروپس اور روسی فوجی دستے بھی شریک تھے ۔ آئی ایس پی آر کا کہنا ہے مشق کا مقصد مشترکہ تربیت کے ذریعے پیشہ ورانہ مہارتوں اور دوست ممالک کے درمیان تاریخی و فوجی تعلقات بہتربنانا ہے ۔
روزنامہ دنیا ایپ انسٹال کریں
