عوامی خدمت نہیں سلیوٹ سے سب ملتا ہے :کیپٹن (ر)صفدر
مانسہرہ (آئی این پی)سابق وزیر اعظم نواز شریف کے داماد اورلیگی رہنما کیپٹن(ر)محمد صفدر نے کہا ہے کہ نواز شریف کو لندن سے واپس لانے والوں نے الیکشن چوری کیا ، عوام کی خدمت کا کوئی فائدہ نہیں، سلیوٹ کرنے سے ہی سب ملتا ہے ۔
مانسہرہ میں تقریب سے خطاب کرتے ہوئے انہوں نے کہا کہ میاں نواز شریف مانسہرہ سے الیکشن ہارے نہیں بلکہ الیکشن چوری ہوا اورانہیں لندن سے واپس لانے والوں نے ہی الیکشن چوری کیا۔کیپٹن(ر)صفدر کا کہنا تھا کہ عوام کی خدمت کرنے کا کوئی فائدہ نہیں، سلیوٹ کرنے سے سب ملتا ہے ، سلیوٹ مارنے سے 47 نمبر کی پلیٹ مل جاتی ہے ۔ ووٹ کو عزت ملنے تک ملک ٹھیک نہیں ہو گا، ووٹوں سے نہیں مخصوص جگہ سلیوٹ مارنے سے اسمبلی، سینیٹ اور پارٹی بھی ملتی ہے ۔
روزنامہ دنیا ایپ انسٹال کریں
