حافظ نعیم کی مرکزی مسلم لیگ کے رہنمائوں سے ملاقات
لاہور(سیاسی نمائندہ)امیر جماعت اسلامی حافظ نعیم الرحمن کی وفد کے ہمراہ مرکزی مسلم لیگ کے سیکرٹریٹ آمد، امیر العظیم، ڈاکٹر سمیع اللہ شیر پاؤ ودیگر رہنما بھی موجوتھے ۔
حافظ نعیم الرحمن نے جنرل سیکرٹری مرکزی مسلم لیگ پروفیسر سیف اللہ قصوری، نائب صدر حافظ طلحہ سعید، جوائنٹ سیکرٹری یعقوب شیخ سے ملاقات میں سیاسی صورتحال اور ملک کو درپیش چیلنجز سے نمٹنے کیلئے تبادلہ خیال کیا۔ رہنماؤں نے اس بات پر زور دیا کہ ملک کو موجودہ مسائل سے نکالنے کیلئے نیشنل ڈائیلاگ کی ضرورت ہے ۔اس موقع پر مرکزی مسلم لیگ کے صدر پنجاب سرور چودھری، صدر صوبہ سندھ فیصل ندیم، جنرل سیکرٹری لاہور مزمل اقبال ہاشمی، انجینئر حارث ڈار، اہم رہنما ندیم اعوان، حمید الحسن، شفیق الرحمن وڑائچ، احسان منصور، عمران بھٹی بھی موجود تھے ۔ اعلامیہ کے مطابق ترجمان مرکزی مسلم لیگ تابش قیوم کا کہنا ہے کہ پارٹی دیگر سیاسی جماعتوں سے بھی رابطے میں ہے ، نیشنل ڈائیلاگ کیلئے کوششیں کر رہے ہیں ۔
